Dweud eich dweud

Gwybodaeth am y broses Cwynion ar gyfer Gwasanaethau Barnardo’s

Mae Barnardo’s eisiau sicrhau bod y Gwasanaethau Barnardo’s yr ydych yn eu defnyddio y fuddiol ac a oes yna unrhyw ffyrdd y gellid eu gwella. Rydym eisau i chi fod yn rhan o’r penderfyniadau a wneir am ein gwasanaeth. Gobeithiwn y gallwch ymateb os gofynnir i chi am adborth gan eich gweithiwr. Rydym yn gwerthfawrogi eich sylwadau, boed hynny yn dda neu ddim mor dda, os ydych yn teimlo bod yna welliant y gellid ei wneud. Os nad ydych yn hapus gyda’r gwasanaeth yr ydym yn ei ddarparu, byddwn yn ymdrin a hynny o ddifri. Dywedwch wrthym am eich pryderon fel y gallwn wneud pethau’n iawn pan fo angen i ni.

Mae proses Cwynion a Sylwadau Gwasanaethau Plant yn bodoli er mwyn eich helpu i fynegi eich pryderon, ac mae’r daflen hon yn egluro’r broses honno. Mae gennym hefyd fersiwn hirach o’r daflen hon sy’n cynnwys mwy o fanylion. Gallwch ofyn i aelod o’ch staff gwasanaeth am gopi o’r fersiwn hirach ar unrhyw adeg.

Beth sy’n digwydd os ydych eisiau cwyno?

Os oes gennych bryder neu gŵyn, mae’n bwysig eich bod yn rhannu hynny gyda ni cyn gynted ag y gallwch fel y gallwn geisio datrys y mater cyn gynted â phosibl. Wedi i chi siarad â rhywun o Barnardo’s, neu wedi ysgrifennu atom, ein ffonio neu e-bostio drwy ddefnyddio un o fanylion cyswllt Barnardo’s ar y daflen hon, byddwn yn edrych ar y mater ac yn ceisio cywiro pethau, ar ôl i ni drafod a chytuno gyda chi ynghylch eich pryder neu gŵyn.

Byddwn yn ymateb i chi o fewn 10 diwrnod gwaith.

Beth allwch chi ei wneud os nad ydych yn hapus â’r ffordd yr ydym wedi delio â’ch cwyn?

Os nad ydych yn hapus â chanlyniad yr ymchwliad i’ch cwyn, cysylltwch â Barnardo’s o fewn 20 diwrnod gwaith ar ôl derbyn ein hymateb ysgrifenedig a rhowch wybod i ni yn ysgrifenedig pam nad ydych yn hapus a beth fyddech yn dymuno iddo ddigwydd petaem yn cynnal ymchwiliad arall. Yna byddwn yn anfon copi i chi o’r fersiwn hir o Dweud eich dweud sydd yn rhoi mwy o fanylion am y broses ymchwilio i gwynion

Os, er gwaetha ein hymdrechion, eich bod yn dal yn anfodlon, mae gennych eto 20 diwrnod gwaith i gysylltu â ni ar ôl i chi dderbyn canlyniad yr ail ymchwiliad i’ch cwyn. Mae’r fersiwn hir o Dweud eich dweud yn nodi beth fydd yn digwydd nesaf.

Beth arall allwch chi ei wneud?

Efallai bod yna asiantaethau cyfrifol [1] neu statudol y gallwch gysylltu â nhw os nad ydych yn fodlon ag ymateb terfynol Barnardo’s. Mae eu manylion ar y daflen hon ynghyd â manylion am eich gwasanaeth Barnardo’s a’r Swyddfa Genedlaethol.